Lajme
Më 19 nëntor, mbrëmje e madhe e boksierëve shqiptarë në Austri
Në këtë mbrëmje do të zhvillohen 14 ndeshje boksi, ku do të paraqiten gjithsej nëntë boksierë shqiptarë
Kanë mbetur vetëm edhe dy ditë para mbrëmjes së madhe të boksierëve shqiptarë, e cila do të zhvillohet të shtunën në Maria Enzendorf në Austrinë e Ulët, rreth 25 kilometra larg Vjenës. Në këtë mbrëmje do të zhvillohen 14 ndeshje boksi, ku do të paraqiten gjithsej nëntë boksierë shqiptarë. Dy duelet kryesore do të jenë ajo e Dielli Vranovcit kundër Miroslav Serban për titullin “Internationale të Austrisë” si dhe qershia mbi tortë do të jetë ndeshja e fundit e kësaj mbrëmje mes boksierit kosovar, Bernardin Jakaj, kundër Nasser Bukenya për titullin IBO Continental, në peshën e rëndë.
Ky event organizohet nga kompania promovuese „Simba Sports“, e cila udhëhiqet nga ish-boksieri i njohur kosovar që jeton në Austri, Shpëtim Shala. Ai për albinfo.at theksoi:
“Përgatitjet për mbrëmjen e 19 nëntorit janë duke vijuar ashtu siç i kishim planifikuar. Në aspektin sportiv, djemtë kanë dhënë maksimumin gjatë stërvitjeve dhe janë në formë të mirë. Po ashtu, edhe në aspektin organizativ jemi duke u munduar që çdo gjë të jetë në nivelin profesional”, ka thënë ai.
Interesim i madh i publikut për të përcjellë nga afër këtë mbrëmje boksi
Kjo natë e boksit shqiptar ka zgjuar edhe interesimin e publikut dhe të shumë mediave, të cilat janë akredituar për të qenë pjesë e këtij spektakli, në mesin e tyre edhe albinfo.at, ndërkohë meçet do të transmetohen drejtpërdrejt në ORF Sport Plus për në Austri dhe Art Sport 1 për në Kosovë. “Interesimi i publikut është shumë i madh dhe kjo na gëzon shumë”, thekson Shpëtim Shala, i cili kërkon që publiku shqiptar të jetë prezent në numër të madh për të përcjellë këtë mbrëmje gala. “Mbështetja e tifozëve për boksierët tanë sigurisht që është një motiv shtesë krahas meçeve të vështira që ata do i kanë, dhe e bën mbrëmjen edhe më madhështore”, pohon ai.
Në rast të fitoreve, thotë ish-boksieri Shala, boksierët shqiptarë do të ngritën më lart në renditjen evropiane, sidomos Bernardin Jakaj dhe Dielli Vranovci, pa i përjashtuar edhe djelmoshat e tjerë.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës, Arnold “The Cobra” Gjergjaj triumfoi kundër Dennis Leëandoëski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?