Vdes regjisori shqiptar që ka realizuar logon e famshme për Nju-Jorkun

Regjisori i famshëm dhe artisti Stan Dragoti, me origjinë shqiptare, u shua në moshën 86-vjeçare në Los Angelos – Kalifornia. Stan Dragotit njihet si shqiptari që “shembi” muret e Hollivudit, ose njeriu që bëri rizgjimin e ëndrrave njujorkeze me fillimin e famshëm “I love New York”. Ai thuhet se ka lindur më 4 tetor 1932 në New York City, përcjell albinfo.ch.

Prejardhja e tij është shqiptare. Vjen nga një familje tepelenase, që kanë emigruar shumë herët në SHBA. Babai i tij, Asllani, nga fshati me peizazh tërheqës, Dragot, (mbiemrin e të cilit mban edhe artisti) i Tepelenës dhe nëna e tij Bahrie nga qyteti i lashtë Tepelenë. Hapat e para të këtij gjeniu filluan që në fëmijëri.

Në moshë të vogël ishte tepër kureshtar dhe i interesuar ta shpenzonte kohën përballë programeve televizive. Cdo film që shikonte, ishte i apasionuar ta komentonte me motrat dhe prindërit. Që në moshën 7-vjec filloi të vizatonte, të imagjinonte dhe shumë skicime. Stani bëri emër që në hapat e parë kur filloi drejtor i një filmi, që pati sukses të pabesueshëm. Disa nga shitjet i kalonin shifrën 200 milionë dollarë të çdo prodhimi të kompanis së tij. Njëkohësishtë filloi të realizonte reklama për gjigandet e industrisë së linjave ajërore dhe atyre së prodhimit të makinave. Njeri inteligjent dhe krijues duke i vënë në shërbim të kohës. U bë tepër i njohur dhe i kërkuar për vetë kohën. Mos, vallë, koha e kishte kujdesur për momentin e duhur që të bënte rizgjimin e ëndrrave njujorkeze, transmeton kultplus.

E paharueshme mbetet për ata që kanë jetuar vitet 1970 kur i kujton filmin simbol – filmin që ka “pushtuar” reklamat dhe vitrinat shumë ngjyrshe të metropolit gjigand të botës së Nju-Jorkut për pjesën e filmit “I love New York”. Një zemër “flakë e kuqe me dy gërma të mëdha NY” çka lexohet në shqip, e dua me gjithë zemër Nju-Jorkun. Megjithëse kanë kaluar kaq vjet, kjo reklame është si të thuash himni i njujorkezëve “I love New York”.