Sa vota morën partitë shqiptare në Mal të Zi?

Sipas rezultateve të parakohshme të zgjedhjeve parlamentare që u mbajtën dje në Mal të Zi, dy listat shqiptare në kombinim në komunën e Tuzit morën rreth 3.700 vota. Lista shqiptare “Koha është tani” rreth 3300 vota dhe lista tjetër shqiptare “Bashkë nji za” rreth 400 vota.

Krahasuar me zgjedhjet lokale që u mbajtën vitin e kaluar në komunën e Tuzit, partitë shqiptare kanë arritur të ruanin numrin e përkrahjes në vota, por jo edhe ta rrisin atë. Në zgjedhjet lokale të 2019-s blloku shqiptar kishte fituar rreth 3.690

Realisht, pas bashkimit dhe fitores të bllokut shqiptar në zgjedhjet lokale në komunën e Tuzit dhe një funksionimi mjaft të mirë, duke konsideruar kohëzgjatjen dhe rrethanat, ishte e pritshme rritja e elektoratit ndaj partive shqiptare, raporton Express, përcjell Albinfo.ch.

Rikujtojmë se në zgjedhjet e djeshme parlamentare lista shqiptare “Koha është tani” (Forca-ASH-LDSH-Perspektiva-Unioni Tuz) ka fituar rreth 1,4% të votave – 1 mandat, ndërsa lista tjetër shqiptare “Bashkë nji za” (PD-UDSH-LDnëMZ) rreth 1,1% të votave – 1 mandat. Kjo e fundit, sipas sondazheve disa ditë para zgjedhjeve, parashikohej se nuk do të kalonte as pragun zgjedhor prej 0,7%.