Agim Veliu ministër, Podujeva në zgjedhje

Pas marëveshjes së arritur mes VV-së e LDK-së, njërës prej komunave të Kosovës, e cila jo rrallëherë është më e përfolura, do t’i duhet të shkojë në zgjedhje të jashtëzakonshme.

Banorët e komunës së Podujevës do duhet të votojnë për të zgjedhur kryetarin e tyre të ri, pasi ai aktuali, Agim Veliu, është i propozuari i LDK-së për ministër të Punëve të Brendshme, njofton Klan Kosova.

Duke qenë se paraprakisht LDK ishte dakorduar që me ministri të mos udhëheqin kryetarët e komunave që vijnë nga radhët e këtij subjekti, Agim Veliut do t’i duhet të japë dorëheqje për shkak të detyrës së re që pritet ta marrë ditëve në vazhdim, përcjell Albinfo.ch.