201 ndeshje në 3 kategori, detaje nga Kupa mbarëkombëtare

Kupa mbarëkombëtare “Nënë Tereza” fillon të marrë formë. Shqipëria dhe Kosova do të zhvillojnë së bashku një Kupë të përbashkët, e cila do të bëjë të mundur që klubet shqiptare dhe ato kosovare të luajnë mes tyre. Dy Federatat kanë nisur prej kohësh këtë ide dhe tashmë janë në pritje të një përgjigje nga UEFA, pasi fituesi do të luajë në Kupat e Europës. Sipas “Top-Channel”, është zbuluar edhe plani se si do të funksionojë kjo kupë.

Aktualisht në futbollin shqiptar janë 56 skuadra nga Kategoria Superiore deri në atë të dytën, ndërsa në Kosovë janë 44 ekipe. 22 ekipet e Kategorisë Superiore të Shqipërisë dhe Kosovës do të kalojnë direkt në fazën 1/32, ndërsa 80 ekipet e tjera do të luajnë mes tyre me sistemin vajtje-ardhje e me shortë duke nxjerrë në fund 10 ekipet e tjera që do t’u bashkohen skuadrave të tjera.

Në fazën e parë do të luhet rreth 140 ndeshje, ndërsa deri në finale e madhe do të luhen 201 ndeshje, e me shumë mundësi finalja e madhe do të luhet në “Air Albania Stadium”. Sipas asaj që është projektuar, ndeshjet e fazës së parë do të luhen në muajt mars-qershor 2020, ndërsa të dyja Federatat kanë si qëllim jo vetëm futbollin, por edhe njohjen e treva shqiptare, pasi ndeshjet do të luhen në stadiumet respektive të çdo skuadre, përcjell Albinfo.ch.