Zvicra, vendi i dytë më konkurrent në botë

SHBA renditen në krye të listës së vendeve më konkurrente në botë. Kështu thotë analiza që i bëhet 60 vendeve nga IMD, një shkollë prestigjioze biznesi në Lozanë të Zvicrës

Sipas studimit amerikanët e meritojnë vendin e parë falë ekonomisë dinamike, përmirësimit të shifrave të punësimit dhe dominimit që gëzojnë në teknologji dhe infrastrukturë.

Pastaj vijnë tre vende me ekonomi të vogla: Zvicra, Singapori dhe Hong Kongu. Të tre këto vende kanë ekonomi që përfitojnë nga ekspertët, biznesin dhe novacionet.

Zvicra ka arritur  për të mbrojtur vendin e dytë pas Shteteve të Bashkuara të Amerikës për shkak të ekonomisë së fort,  kohezionit social,  dhe po ashtu nga një Eurozonë të dobësuar.  

Në vendin e tretë është Singapori, i cili vjen pasi Hong Kong është zhvendosur  në vendin e 4 -të nga rangimi . Gjermania ka zënë vendin e gjashtë . Në Evropë  gjithashtu shënuan rritje vendet skandinave . Suedi vjen e pesta , Danimarka e 9-ta dhe Norvegjia e 10-ta.

Vendi i fundit në mesin e vendeve evropiane është  Kroacia, e cila renditet e 59-ta, dhe Franca e 27-ta ndërsa Italia në vendin e 46-të . Në vendin e 60-të dhe të fundit në listë  është Venezuela .

Në renditjen e IMD-së analizohen  60 vende në bazë të 338 kritereve . Dy të tretat e të dhënave të përdorura janë të bazuara në statistikat nacionale  dhe ndërkombëtare

        
Po sipas raportit vendet si: Brazili, Rusia, India dhe Kina  kanë rënë në garën e konkurrencës, pas rënies së ritmeve ekonomike dhe investimeve të huaja, ndërkohë që vazhdojnë të vuajnë nga problemet e infrastrukturës së dobët.
        
Kina, e cila pritej t’u zinte vendin Shteteve të Bashkuara  si superfuqia ekonomike e botës, ka rënë dy vende në renditje që nga viti i kaluar dhe tani renditet e 23-ta në indeksin e konkurrencës.