Facebook bllokon parti e politikanë për nxitje të urrejtjes

Keystone

Facebook ka bllokuar shumë individë dhe organizata të së djathtës ekstreme në Britaninë e Madhe, të cilat “nxisin urrejtjen”.

Bllokimi përfshin Partinë Kombëtare Britanike, ish-liderin Nick Griffin, Lidhjen e Mbrojtjes Angleze dhe Frontin Kombëtar.

Në listë është edhe Britania e Parë, e cila ishte bllokuar më parë, por veprimi i fundit do të ndalojë ndihmën e saj nga shërbimet e firmës amerikane. Kompania Facebook ka marrë këtë vendim, sepse politikanët dhe partitë politike ishin përfshirë në një mision që nxisnin dhunën dhe urrejtjen.

“Individët dhe organizatat që përhapin urrejtjen, sulmet dhe bëjnë thirrje për përjashtimin e të tjerëve nuk kanë vend në Facebook”, shtoi rrjeti gjigant në një deklaratë.

Ndalimi përfshin:

Partinë Kombëtare Britanike dhe ish-liderin Nick Griffin.

Britaninë e Parë, liderin Paul Golding, ish-deputeten Jayda Fransen.

Liga Angleze e Mbrojtjes dhe themeluesin Paul Ray.

Fronti Kombëtar dhe lideri Tony Martin.

Jack Renshaw, një neo-nazist që bëri komplot për të vrarë një deputet të Partisë Laburiste.