Swiss, nga Gjeneva me çmime të Easy-jet-it!

Të gjitha fluturimet nga Gjeneva në qendra evropiane do të zhvillohen me çmimin prej vetëm 39 -frangash për një drejtim

Kompania ajrore zvicerane Swiss nga vjeshta e ardhshme do të vendosë çmime të ulëta dhe do ta zgjerojë rrjetin e fluturimeve nga Aeroporti i Gjenevës. Këtë e bën e shtyrë nga konkurrenca e fuqishme sa u përket çmimeve të ulëta që asaj i vjen nga Easyjet .

Modeli i ri tarifor që do të vendosë Swiss quhet “Economy light” që vlen vetëm nga Gjeneva. Përmes kësaj tarife, të gjitha fluturimet nga Gjeneva në qendra evropiane do të zhvillohen me çmimin prej vetëm 39 frangash për një drejtim. Në këtë ofertë, pasagjerëve u lejohet të marri me vete në aeroplan një çantë dore.

Tarifat e përmendura do të vlejnë nga 1 shtatori 2013 për të gjitha fluturimet nga Gjeneva  në aeroportet evropiane përveç në Barcelonë, Moskë, St. Petersburg dhe Cyrih .

Pastaj, gjatë vjeshtës parashihet që Swiss të nisë edhe gjashtë destinacione të reja nga Aroporti i Gjenevës. Kështu, nga Gjeneva në Stokholm do të ketë katër fluturime në javë, në Oslo 3 herë, Londër (Gattwick) 3 herë, Göteborg 3 herë, Beograd t 2 herë dhe Marrakesh 2 herë në javë.