Shumica kundër zgjedhjes direkte të qeverisë

67% janë kundër iniciativës së SVP/UDC-së për zgjedhjen e qeverisë në mënyrë direkte nga populli. 48% janë për ashpërsimin e Ligjit mbi Azilin

Një sondazh i realizuar nga instituti gfs.bern me porosi të SRG (transmetuesi publik) ka treguar se 67 për qind të zviceranëve janë kundër iniciativës së SVP/UDC-së për zgjedhjen e qeverisë në mënyrë direkte nga populli e jo sikurse deri më tash, nga parlamenti. 25% janë pro ndërsa 8% të pavendosur.

Vetëm anëtarësia e SVP-së është pro zgjedhjes direkte, dhe, madje as ajo në mënyrë shumë bindëse, gjithsej 56%.  Ndërsa 38% nga kjo parti janë kundër.

Ndërkaq te socialdemokratët (SP/PS) siç mund të merret me mend, përqindja e kundërshtarëve të iniciativës së përmendur është 79%.

Edhe më e madhe kjo përqindje është te demokristianët (CVP/PDC), plot 81%. Anëtarët e FDP/PLR do të kishin votuar me 71%, po ashtu kundër.

Sa i përket kërkesës për një referendum kundër ashpërsimit të ligjit mbi azilin, kundër janë 48% të të anketuarve. Pra këta duan që ligji për azilin të ashpërsohet më tutje, ndërsa vetëm 29% jnë kundër këtij ashpërsimi. 25% janë të pavendosur.

Të majtët, në veçanti SP/PS kanë pasur probleme lidhur me mbështetjen ose jo të iniciativës kundër ashpërsimit të lugjit mbi azilin. Kjo për faktin se, sipas kryetarit të SP-së, Christian Levrat, në rast të një humbjeje të thellë, do të shtoheshin tendencat për ashpërsim edhe më të madh të ligjit bi azilin.

Për shkak të “emergjencës”, shumica e rregullave të parapara me ligjin e ri, të ashpësuar  të azilit, qysh tash janë në veprim.

Sondazhi është realizuar nga 22 deri më 27 prill. Në të kanë marrë pjesë 1202 persona nga të gjiha pjesët e Zvicrës. Margjinat e gabimit vlerësohet plus/minus 2.9%.