Agjenda e integrimit Zvicër: Hapja e konsultimit

Refugjatët dhe personat e pranuar me lejeqëndrim të përkohshëm duhet të jenë në gjendje të integrohen sa më shpejt në tregun e punës.

Në kuadër të kësaj, Konfederata dhe kantonet u pajtuan për një agjendë të përbashkët për integrim, në pranverën e vitit 2018. Në mbledhjen e tij të datës 5 shtator 2018, Këshilli Federal hapi procedurën e konsultimit lidhur me ndryshimet e nevojshme në urdhëresat dhe kompensimin e kantoneve, për shpenzimet e të miturve të pashoqëruar në fushën e azilit dhe refugjatët.
Konfederata dhe kantonet tashmë kanë miratuar axhendën e Integrimit në pranverë të vitit 2018 dhe kanë rënë dakord lidhur me një sistem për të kompensuar kantonet në mënyrë të drejtë për shpenzimet që lidhen me të miturit e pashoqëruar në fushën e azilit. Sot, Këshilli Federal hapi konsultimet mbi urdhëresën për Integrimin e të huajve (OIE) dhe rregulloren 2 mbi financimin e azilit relativ (OA 2). Konsultimi do të zgjat deri më 5 dhjetor 2018.

Axhenda e integrimit zviceran

Me axhendën e integrimit, Konfederata dhe kantonet dëshirojnë t`i integrojnë sa më shpejt refugjatët dhe personat e pranuar përkohësisht në tregun e punës. Gati 70 për qind e personave në moshë pune në njërën nga këto dy kategori kanë potencial për t’u integruar në jetën afatgjate në jetën e punës, për të mbajtur veten dhe familjet e tyre dhe kështu të zvogëlojnë varësinë e tyre nga ndihma sociale. Për këtë, Konfederata dhe kantonet duhet së pari të përforcojnë masat e tyre të integrimit. Këshilli Federal ka vendosur që të kalojë pakon e integrimit duke i paguar kantonet nga 6.000 deri 18.000 franga dhe tu lejojë rrethe për përdorimin e pakos së integrimit me qëllim të inkurajimit të fillimit të njohjes së gjuhës për kërkuesit e azilit. Së fundmi, Konfederata dhe kantonet synojnë të bashkojnë përpjekjet e tyre për të eliminuar me shpejtësi efektet e padëshiruara nxitëse, të sistemit të financimit në fushën e azilit.

Axhenda e integrimit e miratuar nga Konfederata dhe kantonet përcakton synime detyruese për tu arritur përmes një procesi të integrimit të përbashkët për të gjitha kantonet. Për shembull, të gjithë refugjatët dhe të gjithë personat e pranuar në baza të përkohshme duhet të kenë fituar njohuri themelore të një gjuhe kombëtare pas tre vitesh. Përveç kësaj, të paktën gjysma e të rriturve do të duhet të futen në tregun e punës pas shtatë vitesh. Ky proces, i cili fillon pak pas mbërritjes së personit në Zvicër, bazohet në stimuj konkretë. Konfederata po punon aktualisht me kantonet për të monitoruar efikasitetin e axhendës së integrimit.

Burime shtesë për të miturit e pashoqëruar

Përveç agjendës së integrimit, Konfederata dhe kantonet kanë rënë dakord për një sistem për të siguruar kompensim të drejtë për shpenzimet shtesë të shkaktuara nga të miturit e pashoqëruar, në fushën e azilit apo refugjatëve. Kjo masë duhet të sigurojë strehim dhe ndjekje të përshtatshme, një kusht i rëndësishëm për integrimin e suksesshëm të këtyre të rinjve. Këshilli Federal gjithashtu hapi sot konsultimet për këto modifikime të ordinancave.

---