Ballisti nuk do të ekstradohet në Serbi

Ismail Morina, i njohur ndryshe edhe si Ballisti, i shpëtoi ekstradimit në Serbi.

Tifozi kuqezi që mori përsipër edhe ngritjen e dronit në Beograd në mbrëmjen famëkeqe të 14 tetorit 2014 fitoi betejën e parë, edhe pse lufta do të vazhdojë.

Pasi e mbajtën për 9 muaj me radhë në burg në Kroaci, beteja ligjore u fitua përgjysmë, sepse nëpërmjet avokatit të tij, i riu nga Kukësi i shpëtoi ekstradimit në Serbi, vendin që kishte lëshuar një mandat arresti ndërkombëtar për akuzën e nxitjes së urrejtjes mes popujve, përcjell albinfo.ch.

Me Kroacinë që hodhi poshtë kërkesën e tij për azil, zgjidhja më e mirë për Ismail Morinën u shndërrua transferimi prej kësaj mesjave në një burg të Italisë, aty ku do të vazhdojë gjykimin për të fituar lirinë.

Në Itali ai ‘mund të ndihet më rehat’, sepse ka nënshtetësi italiane, madje bashkëshortja e tij është italiane.