Shqipja, gjuha e pestë në Zvicër, pjesë e projektit artistik Zvicër-Kosovë

Grupi i autorëve «Bern ist überall (Berna është kudo) po i thyen kufinjtë dhe barrierat gjuhësore. Së fundi është bashkuar me poetë dhe muzicientë nga Kosova.

Grupi i poetëve dhe instrumentistëve zviceranë nga Berna «Bern ist überall» është “shndërruar” përkohësisht në «Kosovë is everywhere», pasi që në kuadër të një projekti i janë bashkuar edhe poetë instrumentistë nga Kosova. Pika fillestare e bashkëpunimit ka qenë shpërblimi për kulturë i Bashkisë së qytetit të Bernës 2015. Një pjesë të shpërblimit, grupi i autorëve i përbërë edhe nga Pedro Lenz dhe Guy Krneta, i ka investuar në këtë projekt. Me dekada të tëra, marrëdhëniet në mes të Kosovës dhe Zvicrës janë përafruar, në ndërkohë që në Zvicër jetojnë një çerek milioni banorë me prejardhje nga Kosova. Gjuha shqipe llogaritet pothuajse si gjuha e pestë zyrtare në Zvicër, shkruan “Der Bund”, përcjellë Albinfo.ch.

Në kryeqendërn kosovare, në Prishtinë ishte huazuar një banesë dhe në pranverë të vitit të kaluar kanë filluar takimet dhe provat e para. Partner produksioni në Kosovë ka qenë Qendra-Multimedia, e cila menaxhohet nga dramaturgu, Jeton Neziraj. Në rolin e trajnerit të kombëtares, Jetoni ka bërë përzgjedhjen e artistëve, në mesin e të cilëve emra prominentë të radios dhe teatrit. Vjeshtën e kaluar, ata shfaqën disa paraqitje të përbashkëta në qytetet të ndryshëm të Kosovës.

Tani, projekti është nëpër turne zvicerane në forma dhe përbërje të ndryshme; në muajin maj do të dalë në dritë një audio CD. «Paraqitjet tona në Kosovë kanë funksionuar shumë mirë», ka pohuar dramaturgu zviceran Gerhard Meister, “gjithkund kishim një auditorium të vëmendshëm”. Kontributet e dialekteve ishin secila me titull në shqip, me shfaqjet në Zvicër do të jetë anasjelltas. “Por, në skenë janë gjithsej katër gjuhë,” thotë Meister. «Përveç dialektit do të interpretohen edhe në shqip, anglisht dhe frëngjisht”.

Gjatë paraqitjeve formohet një duet prej një muzicienti shqiptar dhe një zvicerani. “Kjo formë sjellë momente magjepse”, nënvizon Meister, duke theksuar se në këto eksperimente nuk ka pasur vështirësi. Humori i përbashkët ka mundësuar që të tejkalohen barrierat e projektit.

Teatri Schlachthaus, e mërkurë, 04 prill, ora20.30 Uhr. www.aprillen.ch