Mediat gjermane: Turp i dhimbshëm në Kosovë

Barazimi mes Kosovës U21 dhe Gjermanisë U21 ka shkaktuar reagime te mediat gjermane. “Turp i dhimbshëm për Gjermaninë,” shkruan abendblatt.de. Gjermania nuk arriti fitoren e saj të gjashtë në kualifikimet grupore dhe kështu rrezikon biletën për KE 2019.

“Përballë mbrojtjes së fuqishme kosovare, përfaqësuesja gjermane e kishte tmerrësisht të vështirë, ndërsa në sulm ishte pa ide,” përcjell albinfo.ch, lajmin e mediave gjermane.

“Ishte e dhimbshme,” shkruan media tjetër gjermane “Bild”. “Është përsëri Kosova. Nëse krahasojmë vlerën e lojtarëve kosovarë (sipas transfermarkt.de) është 1,68 milion euro. Te Kampioni Europian, Gjermania, kjo shifër është 120,9 milion. Por nuk ka dallime të mëdha.”