Sport
EHF përjashton Serbinë për shkak të Kosovës
Kosova fitoi ndeshjen në tavolinë me rezultat zyrtar 10:0. Takimi ishte paraparë të zhvillohej në Beograd, megjithatë, për shkaqe sigurie kjo përballje nuk u zhvillua

Federata Evropiane e Hendbollit ka konfirmuar përjashtimin e Kombëtares së Serbisë U20 për femra nga turneu që është duke u zhvilluar në Beograd.
EHF-i përmes një komunikate për media bën të ditur se, “në kohën e fillimit të ndeshjes (ora 16:00) ishte e pamundur të hynin në sallë delegatët e EHF, gjyqtarët, dhe ekipi i Kosovës përkundër që të gjithë ishin të pranishëm në hyrje të sallës. Ekipi i Serbisë nuk ishte i pranishëm në zonën e sallës së lojës gjatë gjithë kohës së këtij procesi”, thuhet në njoftim, përcjell albinfo.ch.
“Bazuar në këtë fakt delegatët e EHF-it, gjyqtarët dhe ekipi i Kosovës ishin të gatshëm që të fillonin ndeshjen me kohë. Duke marrë në konsideratë rregulloren për Turneun e Kualifikimeve të YAC, ekipi i Serbisë përjashtohet nga turneu dhe Grupi 5 i Turneut të Kualifikimeve WU20 bëhet vetëm me tre ekipe (Kosova, Norvegjia, dhe Sllovakia)”, thuhet në konfirmimin e EHF-së.
EHF bën të ditur se orari i ndeshjeve të tjera të këtij grupi nuk kanë ndryshuar.
Kosova fitoi ndeshjen në tavolinë me rezultat zyrtar 10:0. Takimi ishte paraparë të zhvillohej në Beograd, megjithatë, për shkaqe sigurie kjo përballje nuk u zhvillua.
Zyrtarët e Qeverisë së Kosovës kanë akuzuar që nuk organizuar mirë ndeshjen, kurse vendasit janë shprehur se për shkak të trazirave të mundshme, ky takim nuk u zhvillua. Nëse do të zhvillohej, do të ishte hera e parë që Kosova do të luante në Serbi.
E-Diaspora
-
Një festë e diversitetit dhe e bashkëpunimit ndërkomunitar Këtë vit me risi në organizim, kjo veprimtari u bë edhe një festë e kulturave të...
-
Kush po i organizon shqiptarët e Zvicrës?, vjen numri më ri i magazinës albinfo.ch
-
Zhvillo karrierën tënde aty ku vlerësohet: smzh ag të ofron më shumë se një vend pune
-
Akuzohet kosovari, i dyshuar si shef i “degës zvicerane” të organizatës terroriste
-
Aksident tragjik në Gjermani, humb jetën një mërgimtar nga Peja
Jeta në Austri
-
Austri: 27% e të rinjve me prejardhje migrante braktisin herët shkollimin Në Austri, më shumë se 100,000 të rinj kanë përfunduar shkollimin e detyrueshëm në maksimum dhe...
-
Gjermania do të ndjekë shembullin e Austrisë dhe do të deportojë sirianët e dënuar
-
Banka Qendrore e Austrisë instalon bankomate për të kapërcyer hendekun rural të parave të gatshme
-
Tragjedi në Festival: Vdes një 22-vjeçar pas një incidenti sigurie
-
Universitetet austriake duan rregulla më të rrepta për pranimin e studentëve të huaj