Mustafi tregon për ndjenjën e shënimit të një goli në derbi

"Duke shënuar në derbin e Londrës në veri, e di se kjo do të thotë shumë për shumë njerëz. Natyrisht që ju jep atë ndjenjën e veçantë"

Goli i parë në derbin e Londrës i Shkodran Mustafi padyshim ishte një ndër ata që ai duhet ta kujtojë për shumë kohë. Në një intervistë për faqen zyrtare te klubit para ndeshjes Mustafi ka thënë se të shënosh në një ndeshje të tillë nuk është shumë vetëm për të por edhe për shumë tifozë të klubit.

“Unë nuk po mendoj për festimin, po shijoja momentin dhe e lash veten të shkoj ashtu. Duke shënuar në derbin e Londrës në veri, e di se kjo do të thotë shumë për shumë njerëz. Natyrisht që ju jep atë ndjenjën e veçantë. Pas lojës unë isha më i lumtur për njerëzit sesa për golin tim”, ka thënë Mustafi duke kujtuar golin që shënoi në fitoren 2:0 në muajin nëntor të vitit të kaluar.

Arsenali sot do të luaj në derbin e Londrës dhe Mustafi shpreson se skuadra të jetë në të njëjtin nivel sikurse në ndeshjen e parë.