Fejohet Taulant Xhaka

Foto Facebook

Ylli shqiptar, Taulant Xhaka i ka dhënë fund beqarisë, ku është fejuar me Arbnorën.

Ka qenë Granit Xhaka që ka zyrarizuar fejesën e tyre, derisa më pas foton e ka shpërndarë edhe Taulanti, shkruan albinfo.ch.

Për të fejuarën e tij dihen ende shumë pak detaje, ndërsa përveç emrit, thuhet se edhe ajo është një shqiptare që jeton prej shumë vitesh në Zvicër.

Mësohet se ceremonia ka ndodhur para dy ditësh dhe si çdo event tjetër i familjes Xhaka, edhe ky ka qenë goxha sekret pasi është kuptuar tek sot, falë postimeve nga protagonistët.

Taulanti është një nga futbollistët më të rëndësishëm në Kombëtare shqiptare, si dhe në ekipin e Baselit, aty ku luan prej vitesh.