Anulohet gara në Zvicër, ku do të garonte skitari nga Kosova

Komiteti Olimpik i Kosovës ka njoftuar se është anuluar gara e sotme në disiplinën Super G të Kupës Evropiane, që po mbahet në Wengen të Zvicrës, për shkak të kushteve atmosferike, shkruan albinfo.ch.

Në këtë garë po merr pjesë edhe skitari nga Kosova, Albin Tahiri, i cili ka fituar normën olimpike në pesë disiplina për Lojërat Olimpike Dimërore “PyeongChang2018”.

Albin Tahiri nesër (e shtunë) do të garojë në disiplinën e njëjtë.

Kujtojmë që garuesi nga Kosova i cili jeton në Slloveni, kishte shkruar historinë e skitarisë së Kosovës, vitin e kaluar duke u paraqitur në Kampionatin Botëror në Saint Moritz.

Ai është skitari më i mirë i Kosovës dhe shpresa për rezultate pozitive në Lojërat Dimërore, edhe pse do ta ketë shumë vështirë.