Kosova e kërkon Hasin

Pas largimit të Albert Bunjakit, Përfaqësuesja e Kosovës është duke kërkuar trajner, shkruan albinfo.ch.

Në mesin e shumë emrave të përmendur ishin edhe Fatih Terim, si dhe Sven Goran Eriksson. Ky i fundit ka drejtuar Anglinë, derisa e ka shpallur Lazion kampion.

Por, emri i fundit i përmendur si trajner i ardhshëm është Besnik Hasi. Ish-futbollisti i Kombëtares shqiptare ishte shkarkuar nga Olympiacos, derisa për momentin është i papunë.

Edhe zyrtarët e Federatës së Futbollit të Kosovës e kanë përmendur Hasin si opsion.

Kosova në janar do të mësojë kundërshtarët e Ligës së Kombeve, që zhvillohet në shtator-nëntor të vitit të ardhshëm.