“Favorizimi i kthimeve vullnetare është më njerëzor”

Mario Gattiker, shef i ri i Zyrës Federale të Migrimit (BFM-ODM) prononcohet rreth vendimit të fundit në lëmin e azilit

Në një intervistë për të përditshmen «24 Heures», shefi i ri i i Zyrës Federale të Migrimit (BFM-ODM) në lidhje me «Planin Magreb» të Gjenevës, i cili iu ofron 4000 franga delikuentëve recidivistë që të kthehen vullnetarisht në vendin e tyre të prejardhjes, Mario Gattiker thotë se projekti i Këshillit Federal është një ndryshim i vërtetë, pasi që pengesat për dëbim janë të shumta dhe se iu takon kantoneve që të mendojnë për këtë çështje.

Pra, me fjalë të tjera, Berna do të inspirohet nga praktika e Gjenevës, por jo duke shkuar aq larg.

Në pohimet e tij, Mario Gattiker rikujton po ashtu faktin se dëbimi i azilantëve përmes fluturimeve speciale i kushton Zvicrës nga 8.000 deri më 10.000 franga për çdo individ dhe se vetëm në vitin 2011, 1.7 milionë franga janë shpenzuar për këtë qëllim. Veç kësaj, favorizimi i kthimeve vullnetare është më njerëzor.

Sa i përket pyetjes se mos një politikë e tillë mund të nxisë azilantët të vijnë në Zvicër, M. Gattiker e ka përjashtuar këtë mundësi, sepse kthimi vullnetar është në fuqi nga një kohë më e gjatë dhe se deri tani nuk ka nxitur një fenomen të tillë. Veç kësaj, sipas tij, politika e Zvicrës në këtë fushë është imituar edhe nga Evropa.