Granit Maqedonci, arbitri profesionist me origjinë nga Kosova në elitën e futbollit suedez

Nga Prishtina në Allsvenskan – Maqedonci ndër arbitrat profesionistë më të shquar në kampionatin kryesor të Suedisë

Bëhet fjalë pë arbitrin ndërkombëtar të futbollit, Granit Maqedonci, i cili ka arritur një karrierë të shquar në futbollin profesionist suedez dhe ndërkombëtar, transmeton  albinfo.ch.

Granit Maqedonci ka lindur më 25 mars 1989 në Prishtinë, por familja e tij u zhvendos në Suedi në moshë të vogël, ku ai nisi karrierën si arbitër futbolli.

vlen të theksohet se Maqedonci është një prej arbitrit profesionistë në kampionatin e elitës suedeze, Allsvenskan, ku ka gjykuar mbi 100 ndeshje deri më sot.

Ai është ndër arbitrat profesionalë në Suedi dhe ka debutuar në ligë të parë më 4 gusht 2018. Në vitet e fundit,

Po ashtu, Maqedonci ka gjykuar ndeshje në nivele të ndryshme, përfshirë Allsvenskan, Kupën suedeze (Svenska Cupen) dhe kompeticione evropiane si fazat kualifikuese të UEFA Europa League dhe Conference League.

Përveç aktiviteteve në ligat kombëtare, ai ka shërbyer edhe si zyrtar në ndeshje ndërkombëtare, duke përfshirë role si zyrtar i katërt në kompeticionet e UEFA-s.

Edhe Ambasada e Kosovës në Stokholm së fundmi ka vlerësuar lart sukseset e Granit Maqedoncit dhe përfaqësimin dinjitoz që ai u bën profesionistëve me origjinë nga Kosova, duke shërbyer si shembull frymëzimi për gjeneratat e reja të arbitrave shqiptarë në diasporë./Albinfo.ch

---