Strakosha nuk po e mendon zëvendësimin e Buffonit te Juventusi

Strakosha u cilësua si zëvendësues i Gianluigi Buffonit pasi priti penaltinë e Paulo Dybalas në fitoren 2 me 1 ndaj Juventusit

Heroi i Lazios, Thomas Strakosha, ka deklaruar se dëshiron të qëndrojë te kjo skuadër për shumë gjatë, duke hedhur poshtë spekulimet që e lidhnin me Juventusin.

Strakosha u cilësua menjëherë si zëvendësues i Gianluigi Buffonit pasi priti penaltinë e Paulo Dybalas në fitoren 2 me 1 ndaj Juventusit, por vetë portieri e ka bërë të qartë se në këtë raportim s’ka asgjë të vërtetë.

“Zëvendësues potencial i Buffonit te Juve? Nuk e di që kanë shfaqur interesim për mua”, ka thënë ai për Superosport. “Jam i lumtur te Lazio. Kam besimin e trajnerit dhe gjithë klubit. Dua të qëndroj këtu për më gjatë”.