Veseli nuk dorëzohet përballë Spanjës dhe Italisë

Mbrojtësi i kombëtares shqiptare, Frederic Veseli, ka deklaruar se Shqipëria nuk do të futet me idenë për humbje në përballjet me Spanjën dhe Italinë.

Në dy ndeshjet e fundit kualifikuese për Botërorin “Rusia 2018”, Shqipëria përballet me dy skuadrat më të forta të grupit të vet, më 6 tetor si mysafire e Spanjës dhe më 9 tetor si vendase ndaj Italisë, transmeton albinfo.ch.

“E dimë se Spanja dhe Italia janë ndër më të mirat në botë, por ne do të futemi në lojë për të dhënë maksimumin. Nuk do të hyjmë me idenë se kemi humbur. Do të japim maksimumin dhe do të provojmë të shfrytëzojmë rastet tona”, ka thënë në konferencën për media Veseli.

Shqipëria të premten është mysafire e Spanjës, derisa të hënën e pret Italinë në Shkodër.