Xhaka e Shaqiri shkëlqejnë në Angli

Granit Xhaka e Shkodran Mustafi kanë pasur paraqitje të mirë për Arsenalin, derisa Xherdan Shaqiri me Stoken

Futbollistët shqiptarë vazhdojnë të shkëlqejnë në ligat evropiane. Dy ndër më të suksesshmit padyshim janë Granit Xhaka e Xherdan Shaqiri, por sigurisht edhe Shkodran Mustafi, që janë shumë të rëndësishëm për skuadrat e tyre.

Arsenal fitoi ndeshjen e fundit ndaj Brightonit 2:0, derisa Granit Xhaka dhe Shkodran Mustafi kanë treguar paraqitje të mirë. Xhaka është vlerësuar me notën 7.5, derisa Mustafi me 8.3.

Të dy futbollistët shqiptarë ishin shumë të lumtur me këtë fitore. “Dy gola ishin të mjaftueshme për tre pikë. Është koha për pushim ndërkombëtar. Shihemi së shpejti Topçinj”, ka shkruar Xhaka në ‘Instagram’. “Tre fitore nga tre ndeshje këtë javë! Jo është keq… Duhet të vazhdojmë kështu pas pushimit ndërkombëtar!”, ka shkruar Mustafi.

Ndërkohë, fitore këtë fundjavë arriti edhe Stoke City i Xherdan Shaqirit, që mundi Southamptonin 2:1. Shaqiri u vlerësua ndër më të mirët në fushë me notën 7.