Christian Levrat parashikon të zëvendësojë Alain Berset

Banorët e Gruyer-it nisin zyrtarisht garën për Dhomen e kantoneve.

Këshilltari nacional Christian Levrat (SP/PS) dëshiron të bëhet senator. Në Fribourg, nuk ka më dyshim se ish-sindikalisti do të kandidojë për të marrë vendin e Alain Berset në Këshillin e shteteve. Të enjten, në një intervistë për gazetën “La liberté”, Christian Levrat, ka thënë publikisht se parashikon të marrë vendin e lënë të lirë nga Alain Berset.

Partia Socialiste e Friburgut ende nuk e ka miratuar këtë kandidaturë, por kryetari i partisë nacionale pohon, se është vetëm çështje formaliteti.Nëse tash zgjidhet, ai do të qëndrojë të paktën “disa muaj” në kryesi të SP/PS-it. E përditshmja “La liberté” thekson se ngarkesa e punës vlerësohet të jetë afro 120%, por kjo gjë nuk e trembë aspak kandidatin e lartpërmendur. “Unë mund të zvogëloj disa prej paraqitjeve të mija mediatike për t’u përqendruar më shumë aktiviteteve strategjike. “, shpjegon Levrat.

Vetë fakti se Alain Berset ka marrë Departamenti Federal të Punëve të Brendshme motivon shumë kandidatin e majtë.Sipas tij, ndër të tjera, tani i ipet një mundësi historike këtij departamenti për të reformuar çështjen e sigurimeve shoqërore.