3.8 milionë turistë në Shqipëri

Shqipëria vitin e kaluar mirëpriti pothuajse 3.8 milionë turistë të huaj. Industria krijon 51 005 vende të punës

Turizmi në Shqipëri po rritet nga viti në vit, edhe pse ka shumë për t’u bërë. Faqet e shumta ndërkombëtare shkruajnë për turizmin shqiptar. Njëra ndër to dhe më të mëdhatë në fushën e turizmit është “tourism-review.com”.

Ajo ka bërë një renditje me pesë vendet më konkurruese në Evropë, në mesin e tyre edhe Shqipëria apo e dyta pas Moldavisë, përcjell albinfo.ch.

Edhe pse me popullsi më të ulët se Moldavia, Shqipëria mirëpriti më shumë turistë të huaj ndërkombëtar vitin e kaluar, pothuajse 3.8 milionë. Industria krijon 51 005 vende të punës.

Ndërkohë, që vendi është përmirësuar në indeksin në krahasim me vitin e kaluar 2015, ka ende shumë probleme. Për shembull, Shqipëria renditet e 131-ta në burime kulturore dhe udhëtimin e bizneseve dhe e 123-ta në burime natyrore.