Maqedonia zhvillon turizmin me eksperiencën zvicerane

Në Shkup janë promovuar trajnimet zvicerane për hotelieri dhe turizëm.

Promovimi është organizuar nga programi zviceran për rritjen e tregut të punës, në bashkëpunim me akademinë prestigjioze «Suiss Hotel», menaxhment nga Lucerni dhe Ministrisë së Ekonomisë.
Në eveniment janë ndarë edhe CHL certifikata për personat e trajnuar në Maqedoni.

Edukimi është një mundësi e mirë për shfrytëzim maksimal të potencialeve turistike, me të cilat disponon Maqedonia.

“Duhet infrastrukturë më e mirë, qasje dhe rrugë deri te hotelet, kapacitetet e vendosjes, posaçërisht në vendet të cilat kanë potencial turistik”, theksoi ministri i Ekonomisë , Driton Kuçi.
Sipas zëvendësshefit të misionit në Ambasadën zvicerane, Stefan Tomaxhan, për realizimin e përfitimeve ekonomike nga turizmit nevojiten kuadro të kualifikuara, njoftojnë mediat në Shkup.

Në promovim 16 trajnues të Maqedonisë morën certifikata nga Akademia për menaxhim hotelerik në Lucern. Certifikatat janë nga sferat: teknika për shitje dhe distribuim, komunikim me klientët dhe menaxhim me të ardhurat.

Akademia është e renditur në mesin e 100 institucioneve të para arsimore për hoteleri në botë. Profesoresha e Akademisë, Suzan Osvald, i inkurajoi punonjësit hotelerik-turistikë nga vendi të investojnë në njohuritë e veta, kjo është, tha, garanci për sukses dhe rezultate.

Trajnimet zvicerane për menaxhment hotelesh, turizëm dhe  hotelieri konsiderohen si një prej më të mirave në botë.