Lajme
Rreth 40 mijë kosovarë kanë hequr dorë nga nënshtetësia
Vetëm gjatë tre muajve të parë të këtij viti, 1350 persona kanë hequr dorë nga nënshtetësia, për faktin se një numër i madh i vendeve të BE-së nuk i pranojnë dy nënshtetësi
Që nga viti 2009, rreth 40 mijë qytetarë kanë hequr dorë nga nënshtetësia e Kosovës, bëjnë të ditur zyrtarë të Ministrisë së Punëve të Brendshme. Sipas këtij dikasteri qeveritar, vetëm gjatë tre muajve të parë të këtij viti, 1350 persona kanë hequr dorë nga nënshtetësia, kryesisht për shkak se, shumica e atyre që kërkojnë heqjen e shtetësisë jetojnë në vendet e BE-së, të cilët nuk i pranojnë dy nënshtetësi.
Kjo shifër konsiderohet shqetësuese nga ekspertë të zhvillimeve në Kosovë, pasi që trendi i lënies së shtetësisë po vazhdon, citon 21.
Por, një muaj më parë për këtë çështje ka raportuar edhe REL, të cilin informacion e ka plasuar Albinfo.Ch.
Për këtë çështje ka folur Valon Krasniqi, drejtor i Departamentit për Shtetësi, Azil dhe Migracion në Ministrinë e Brendshme në Qeverinë e Kosovës.
Ai ka thënë se arsyeja e lirimit nga nënshtetësia në të shumtën e rasteve ka të bëjë me faktin se shumë shtete evropiane nuk lejojnë dyshtetësinë për shtetasit që nuk janë pjesë e Bashkimit e Evropian. Numri më i madh i qytetarëve të Kosovës që janë liruar nga nënshtetësia, ka treguar Krasniqi, janë pajisur me nënshtetësi gjermane.
Në bazë të regjistrimit të deritashëm, janë mbi 400 mijë qytetarë të Kosovës të cilët jetojnë dhe punojnë në vende të ndryshme të botës. Numri më i madh i tyre jetojnë në shtetin e Gjermanisë, pasuar nga Zvicra dhe Shtetet e Bashkuara të Amerikës.
E-Diaspora
-
Kush është gruaja që ju flet shqip kur fluturoni me CHAIR? Nga prezantuese në radio, në këngëtare e moderatore e disa emisioneve të njohura, ajo njihet si njëri...
-
Kurti: Diaspora, urë lidhëse për investime direkte
-
Gjestila Mehmetaj, një model frymëzimi për rininë shqiptare në mërgim
-
Kanë mbetur vetëm edhe dy ditë për t’u regjistruar diaspora
-
Merakli t’kerreve: U ndihmojmë mërgimtarëve veçmas në kufij
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë