Familja zvicerane bën me shtëpi të re një familje 7-anëtarëshe

Një familje zvicerane ka bërë me shtëpi të re një familje nga Gjilani. Iniciator për ndërtimin e shtëpisë së familjes Isufi e kishte marrë Ruzhdi Bunjaku

Ka dashur të jetë anonim, megjithatë e ka bërë me shtëpi të re një familje shtatë anëtarëshe në Gjilan.

Familja e Nazim Isufit po jetonte në kushte të rënda, derisa as Komuna e Gjilanit nuk i kishte ardhur në këtë. Djali i Nazimit punonte herë pas here, por nuk ia dilte i vetëm të kursente sa për të ndërtuar shtëpi, shkruajnë mediat në Prishtinë.

Megjithatë, kësaj familjeje ëndrrën ia ka realizuar një familje zvicerane që ka dashur të jetë anonime, kurse iniciativën për t’iu siguruar kulm mbi kokë kësaj familje, e ka marrë mërgimtari Ruzhdi Bunjaku, i cili ua ka dorëzuar çelësat, përcjell albinfo.ch.

Familja Isufi ishte shumë e lumtur dhe e ka falënderuan Bunjakun për iniciativën dhe familjen zvicerane që i ka ndihmuar.

Më parë Bunjaku iu kishte ndërtuar shtëpi tetë fëmijëve të familjes Marovca.