Avdijaj, talent i jashtëzakonshëm

Te Schalke besojnë verbërisht në futbollistin shqiptar, Donis Avdijaj. Ai vlerësohet lojtar me cilësi të mëdha dhe me të ardhme të ndritur

albinfo.ch

Përkundër se po përballet me disa lëndime, te Schalke besojnë shumë te Donis Avdijaj. Drejtori sportiv i skuadrës gjermane, Christian Heidel, thotë se Avdijaj është një talent i jashtëzakonshëm, shkruan ‘wa.de’.

Ai e mori në Schalke për të mos e lënë të huazuar në Strum Graz. “Ne kemi pasur shumë diskutime. Duke folur me Donis me të vërtetë ishte kënaqësi. Jemi takuar në aeroportin e Frankfurtit më 2016 dhe kemi biseduar për tri orë. E kam ndjerë se është një djalë i mirë”, ka thënë Heidel, përcjell albinfo.ch.

“Unë besoj në të. Ai ka kualitete të mëdha”, ka shtuar ai. 20-vjeçari ka pasur probleme me lëndime në ndeshjet e fundit.

“Ai ka përparuar shumë dhe kështu duhet të vazhdojë. Ishte adoleshent, por i ka impresionuar të gjithë”, ka theksuar drejtori sportiv i Schalkes që beson verbërisht në futbollistin shqiptar.

Ai kishte pasur edhe një episod të pakëndshëm në tetor të vitit 2016, kur ‘mister’ 49 milionëshi kishte shkatërruar Mercedesin e tij. “Incidenti ka ndodhur dhe sigurisht se nuk është mirë. Por, nuk ishte aq dramatike. Në fund dëmi ishte 1800 euro. Ajo që më ka bërë përshtypje është se si ai e ka trajtuar”, deklaroi ai më tutje. Avdijaj ka shënuar gol për skuadrën e parë të Schalkes, duke dëshmuar se është një talent i madh, kurse në ndeshjet e fundit nuk është paraqitur për shkak të lëndimeve.