Kosova me ‘përforcime’ ndaj Islandës

Besart Berisha, Atdhe Nuhiu, Donis Avdijaj dhe Loret Sadiku pritet të ftohen për ndeshjen e 24 marsit ndaj Islandës

Përfaqësuesja e Kosovës në futboll pritet të ketë më lehtë ndeshjen kualifikuese ndaj Islandës më 24 mars, shkruan albinfo.ch.

Tashmë është konfirmuar ardhja e sulmuesit Besart Berisha, i cili po shkëlqen në kampionatin australian, duke thyer rekord pas rekordi.

Por, përveç tij pritet të arrijnë edhe dy sulmuesit tjerë, Atdhe Nuhiu e Donis Avidjaj, si dhe mbrojtësi Loret Sadiku.

Kosova gjendet e fundit në Grupin I me vetëm një pikë, që e mori në ndeshjen e parë ndaj Finlandës pas barazimit 1:1, ku Valon Berisha shënoi golin e parë dhe historik.