Tifozët shqiptarë do të “pushtojnë” edhe Palermon

Në Itali llogaritet të jenë rreth 600 mijë shqiptarë dhe kjo mund të bëjë që në Palermo të ketë më shumë tifozë shqiptarë sesa italianë

albinfo.ch:Tifozet Kuq e Zi

Tifozët kuqezi gjithmonë kanë përkrahur Kombëtaren shqiptare, si në ndeshjet si vendas, e sidomos kur ka luajtur mysafirë ku jetojnë një numër i madh i shqiptarëve, raporton albinfo.ch.

Kështu pritet të ndodh edhe në sfidën Itali-Shqipëri, ku jetojnë shumë shqiptarë. Kjo ndeshje do të luhet në Palermo të Sicilisë, por kjo nuk pritet të pengojë tifozët që të jenë në numër sa më të madh.

Mediat shqiptare kanë bërë të ditur se për t’u pajisur me biletë mjafton të kesh nënshtetësinë italianë dhe këtë e kanë mijëra shqiptarë. Në Itali llogaritet të jenë rreth 600 mijë shqiptarë dhe kjo mund të bëjë që në Palermo të ketë më shumë tifozë shqiptarë sesa italianë.

Federata italiane ka ndarë 5 % të biletave për tifozët shqiptarë, kurse kapaciteti i stadiumit është 36 mijë e 349 vende.

Në miqësoren e zhvilluar ndërmjet këtyre Kombëtareve në Gjenoa, afër 10 mijë shqiptarë ishin në stadium. Takimi Itali-Shqipëri do të zhvillohet në mars.