Statuja e William Walker në Reçak

Vendimi për të nderuar Walker me një statujë është nismë e komunës së Shtimes, e cila do ta organizojë ceremoninë më 15 janar, 18 vjet pas kryerjes së masakrës.

Ish-kreut të OSBE-së në Kosovë do t’i ngrihet një statujë për kontributin e madh që ai e ka dhënë për Kosovën, veçanërisht për fshatin Reçak, duke i treguar gjithë botës për krimet e forcave serbe ndaj shqiptarëve.

Statuja e William Walker do të vendoset në Reçak më 15 janar. Në këtë fshat ishin masakruar 45 civilë shqiptarë, shkruan ‘Balkaninsight.com’.

Pas vrasjes masive, Walker shkoi në vendin e ngjarjes, duke u bërë dëshmitari i parë ndërkombëtar që i dërgoi një mesazh botës se ajo që po ndodhte në Kosovë ishte krim kundër njerëzimit, përcjell albinfo.ch.

Vendimi për të nderuar Walker me një statujë është nismë e komunës së Shtimes, e cila do ta organizojë ceremoninë më 15 janar, 18 vjet pas kryerjes së masakrës.

Walker mori pjesë në një ceremoni përuruese në janar të këtij viti për hedhjen e themeleve të statujës. “Ishte një befasi. Nuk më thanë që do të ndodhte kjo”, tha ai në atë kohë. Statuja u realizua nga Idriz Balani, një skulptor nga Shqipëria.

(Foto: Idriz Balani)