Shtohen orët e punës dhe pakësohet pushimi

Në koncernin "Model" do të punohet 42 orë në vend se 40 në javë dhe do të ketë një javë më pak pushime

Më pak pushim, më shumë punë, për pagën e njëjtë. Kjo është formula që ka gjetur  koncerni i paketimeve “Model” për t`i shpëtuar krizës së frangut të fortë.

Punëtorët e këtij koncerni në Weinfelden të kantonit Thurgau do të punojnë 42 orë në vend se 40 orë në javë dhe do të kenë një javë më pak pushime.

Daniel Model, shef i koncernit e ka arsyetuar këtë veprim të tij para televizionit sf1, me rrezikun që vjen nga fuqizimi i frangut. Frangu iu forcuar, ka thënë Model, vështirëson eksportet dhe njëkohësisht ua lehtëson konkurrentëve të jashtëm të shesin në Zvicër.

“Model” gjatë vitit 2010 ka pasur një qarkullim prej 600 milionë frangash.