Mos udhëtoni me dokumente të skaduara

Ambasada e Kosovës këshillon bashkatdhetarët të cilët udhëtojnë për në Kosovë të jenë të pajisur me një dokument udhëtimi të vlefshëm

Në një komunikatë për shtyp, Ambasada e Kosovës në Bernë njofton  bashkatdhetarët se kalimi transit pa dokumente udhëtimi ose me dokumete të skaduara, nëpër Itali ndëshkohet me kthim mbrapa të tyre.

“Kohëve të fundit disa bashkatdhetarë tanë kanë pasur probleme udhëtimi në Itali për faktin që nuk kanë qenë të pajisur me dokumente udhëtimi , ose me dokumente që ju ka skaduar afati i vlefshmërisë. Për pasojë, disa nga qytetaret tanë janë kthyer mbrapa nga autoritetet italiane.

Ambasada e Kosovës në Zvicër këshillon të gjithë bashkatdhetarët të cilët udhëtojnë për në Kosovë të jenë të pajisur me një dokument udhëtimi të vlefshëm, thuhet në komunikatën e Ambasadës së Kosovës në Bernë..