2.6 % e prodhimit në Shqipëri është nga industria e drogës

Sipas këtij raporti, paratë e fituara nga industria e narkotikëve përbëjnë një peshë domethënëse të ekonomisë shqiptare, e cila nëse krahasohet me vendet e zhvilluara është deri në 300 herë më e madhe

Bashkimi Evropian ka vlerësuar se industria e drogës në Shqipëri përbën 2.6 për qind të prodhimit kombëtar. Shifra bëhet publike në progres raportin e fundit të Komisionit Evropian, shkruan albinfo.ch.

Sipas këtij raporti, paratë e fituara nga industria e narkotikëve përbëjnë një peshë domethënëse të ekonomisë shqiptare, e cila nëse krahasohet me vendet e zhvilluara është deri në 300 herë më e madhe.

Sipas Komisionit Evropian, në ekonomitë perëndimore si Franca, Italia, Gjermania apo Mbretëria e Bashkuar, pesha e industrisë së drogës në prodhimin kombëtar luhatet nga 0.07 për qind deri në 0.19 për qind.

Me vlerën prej 2.6 për qind e prodhimit kombëtar, industria e drogës në Shqipëri xhiron të njëjtën vlerë sa gjithë sektori i arsimit publik dhe privat ose ai i hotelerisë dhe restoranteve.