Rritet numri i udhëtarëve në aeroportet e Maqedonisë

Në aeroportet në Maqedoni nga muaji në muaj numri i udhëtarëve po rritet. Në tri të katërtat e këtij viti është regjistruar një rritje prej 17 për qind në krahasim me të njëjtën periudhë të vitit të kaluar, me 1,382,714 njerëz të transportuar.

Aeroporti i Shkupit për nëntë muaj ka shënuar një rritje prej 11% në numrin e ngritjeve dhe uljeve, një total prej 13 mijë e 9 fluturime, përcjell albinfo.ch.

Aeroporti ofron fluturime direkte në 33 destinacione: Eindhoven, Barcelona, Basel, Beograd, Berlin, Bratislavë, Bruksel, Këln, Kopenhagë, Doha (nga 1 janar), Dortmund, Dubai, Frankfurt, Gothenburg, Hanover, Stamboll, Pragë, Lubjanë, Londër, Malmo, Milano, Mynih, Nuremberg, Oslo, Paris, Romë, Stokholm, Venice, Vjenë, Zagreb, Zurich, Friedrichshafen, Hamburg.

23 nga numri i përgjithshëm i destinacioneve janë të ofruara nga “Wizz Air”, kompania hungareze ajrore me kosto të ulët, të subvencionuar nga Qeveria e Maqedonisë.

Destinacioni më i frekuentuar është ende Stanbolli, pastaj vjen Zurich, Vjena, Baseli, Malmö dhe Londra. Interesim i madh ka edhe për Barcelonën dhe Dubai.