Hitzfeld: Shaqiri të mbetet edhe një kohë në FC Basel

Kalimi në skuadra të mëdha nuk do të ishte i mirë për të sepse do të kishte rrezik të qëndronte më shumë në bankën rezervë

Përzgjedhësi i përfaqësueses A të Zvicrës, Othmar Hitzfeld në një intervistë për blick.ch i sugjeron Xherdan Shaqirit që të mos e braktisë FC Baselin për ndonjë skuadër të madhe botërore. Kjo, për faktin se siç e thotë ai,  edhe një lojtar kaq i talentuar sikur Shaqiri, në skuadrat e mëdha mund të përballet me konkurrencë të madhe, që mund të shkaktojë mbetjen në bankat e rezervistëve. Dhe kjo e shkatërron një lojtar.  

“Unë do të gëzohesha sikur Xherdani të mbetej në FC Basel. Në kampionatin e këtushëm dhe në Ligën e kampionëve ai mund të zhvillohet më tutje. Zhvillimi i tij do të ndiqet nga klubet e mëdha edhe në Bazel.  Kalimi në Bayern ose Man United  nuk do të ishte i mirë për të sepse në një rast të tillë ai do të kishte rrezik të qëndronte më shumë në bankë . Asgjë nuk e zëvendëson lojen në fushë”, ka thënë Hitzfeld.