Gratë protestojnë me “koncert fishkëllimash për paga korrekte”

Organizatorët presin që në "Ditën e Aksionit", më 14 qershor 2011 të ketë një numër të madh pjesëmarrësish

Megjithëse barazia e gruas me burrin, sipas kushtetutës zvicerane është siguruar tridhjetë vjet më parë, gratë edhe më tutje fitojnë rreth 20% më pak për punën e njëjtë.

Kjo është arsyeja që 45 organizata të ndryshme të kërkojnë, në Ditën e Aksionit, më 14 qershor, paga të barabarta për të gjithë.

Në grevën e grave të mbajtur më 14 qershor të vitit 1991, ditë kjo që është shpallur pastaj si Ditë Aksioni, kishin marrë pjesë rreth 100.000 veta. Bazuar në mobilizimin e deritashëm dhe në shpërndarjen e materialit për fushatën, organizatorët presin që më 14 qershor 2011 të ketë një numër të ngjashëm pjesëmarrësish, shkruan swissinfo.ch.

Për këtë ditë janë përgatitur qindra aktivitete të ndryshme, si në rrugë, sheshe, në ndërmarrje të ndryshme etj. Ndërsa të  përbashkët të gjitha këto aktivitete do të kenë “koncertin e fishkëllimave” që do të mbahet në orën 14.06, që është quajtur “fishkëllima për paga korrekte”