Kosovarët e duan Ulqinin: 250 mijë pushues deri më tani

Deri më tani në Ulqin kanë shkuar për pushime më shumë se 250 mijë kosovarë, të cilët realizuan mbi 2,5 milionë fjetje

Bregdeti i Ulqinit vazhdon të mbetet destinacion i preferuar për shumë turistë kosovarë, të cilët janë mësuar me vite këtë plazhet e këtij qyteti. Sipas drejtorit të Lidhjes Turistike të Kosovës, Shkelzen Rizaj, deri tani në Ulqin kanë shkuar për pushime më shumë se 250 mijë kosovarë, të cilët realizuan mbi 2,5 milionë fjetje.

Për kosovarët, thotë Rizaj, është e rëndësishme që Mali i Zi dhe Ulqini njihen si destinacione të sigurta. Rizaj ka thënë për “Vijesti” se promovimi turistik i Ulqinit në Kosovë është i dobët, sepse “gjithçka përfshihet në dy-tre ditë të panairit të turizmit në Prishtinë”.

Sipas fjalëve të tij, turistët kosovarë “nuk kanë ankesa në punën e policisë së Ulqinit, por kanë për ngarkesat në komunikacion, parking, pritjet e panevojshme në kufi”. Por, pavarësisht kësaj, Ulqini mbetet destinacion shumë i preferuar për pushime. Plazha e madhe dhe ajo e vogla përfshirë edhe ishullin ada, e bëjnë Ulqinin të veçantë për turistë.

Për shumë pushues, sigurimi rrugor në Mal të Zi që vlen për kosovarët, 15 euro për 15 ditë, konsiderohet i panevojshëm.