Ministri Hyseni: 73 kosovarë në zona të luftës

Ministri Hyseni tha se në bazë të dhënave të Policisë së Kosovës, që 11 muaj nuk janë regjistruar raste të shkuarjes së qytetarëve në vatra të krizave. Por, ai tha se në zona të luftës aktualisht vazhdojnë të jenë edhe 73 kosovarë

Skënder Hyseni, ministri i Punëve të Brendshme të Kosovës ka vizituar në Prizren forumet lokale të sigurisë të këtij rajoni, ku ndër të tjerash u bisedua për trafikimin me qenie njerëzore, përdorimin e shtuar të narkotikëve si dhe radikalizmin dhe terrorizmin, shkruan albinfo.ch.

Ministri Hyseni tha se në bazë të dhënave të Policisë së Kosovës, që 11 muaj nuk janë regjistruar raste të shkuarjes së qytetarëve në vatra të krizave. Por, ai tha se në zona të luftës aktualisht vazhdojnë të jenë edhe 73 kosovarë.

“Parandalimi i këtij fenomeni është bërë falë bashkëpunimit që kemi bërë bashkërisht edhe ju anëtarët e këshillave të sigurisë dhe miratimit të ligjit kundër pjesëmarrjes në luftëra të huaja, ku janë arrestuar persona që janë marrë drejtpërdrejtë në përfshirjen dhe pjesëmarrjen e njerëzve në luftëra të huaja”, ka thënë Hyseni, njofton ministria përmes një komunikatë për media.

Pikërisht ky është njëra nga fenomenet me të cilin Kosova po përballet dhe autoritet kosovare po bëjnë çmos që kjo dukuri të zhduket.