Lajme
Ndërtimi i Xhamisë së Madhe, del në debat publik
Ende nuk dihet se kur do të fillojë ndërtimi i Xhamisë së Madhe në Prishtinë. Kjo çështje ka kaluar në debat publik
Komuna e Prishtinës ka propozuar debat publik për të diskutuar nëse projekti për ndërtimin e xhamisë së madhe është në përputhje me planin rregullativ dhe urbanistik të kryeqytetit. Kjo çështje duket se ka lënë peng ndërtimin e këtij institucioni fetar, për të cilin ishte caktuar lokacionin dhe ishte vënë gurthemeli 3 vjet më parë.
Megjithatë arkitektët, të cilët qysh në fillim nuk ishin pajtuar me dizajnin e xhamisë, thonë se fjala e Komunës në këtë rast do të duhej të ishte më e fuqishme. Qytetarët kanë mendime të ndryshime kur vjen në pyetje ndërtimi i saj.
Zëdhënësi i Bashkësisë Lokale të Kosovës, Ahmet Sadriu ka thënë se nuk ka kohë të flasë për këtë çështje, ndërsa kryeimami Sabri Bajgora na ka udhëzuar të flasim me kabinetin e myftiut të Kosovës, ndonëse sekretari i përgjithshëm Resul Rexhepi, i kontaktuar nëpërmjet telefonit ka thënë se kompetent të deklarohet për këtë temë është vetëm Bajgora.
Megjithatë TV Arta, ka kontaktuar edhe me kabinetin e myftiut Naim Tërnava.
“Është kohe pushimesh dhe kompetentet mund të jenë të zënë apo edhe në pushim. Unë u interesova dhe mora këtë përgjigjeje: I tërë dokumentacioni i nevojshëm, kohë më parë, është dorëzuar në KK të Prishtinës dhe ne jemi në pritje të përgjigjes zyrtare të tyre”, ka qenë përgjigjja e shefit të kabinetit të myftiut Tërnava, Ejup Ramadani.
Plani i Xhamisë po kundërshtohet pasi nën të parashihen të ndërtohen disa lokale. Çështja e ndërtimit të xhamisë së madhe kishte kaluar në debat të nxehtë publik dhe më në fund ishte vendosur që kjo xhami të ndërtohet përballë objektit të Postës së Kosovës në lagjen Dardania.
E-Diaspora
-
Dua Lipa reagon për vrasjet në Gaza Këngëtarja shqiptare me famë botërore shqiptare, Dua Lipa, ka bërë thirrje për ndaljen e luftimeve në...
-
Java e Kulturës së Kosovës në Berlin
-
Bukuresht: Koncert madhështor nga sopranoja Inva Mula dhe tenori Gjergji Mani
-
Ramë Dardania, me ekspozitë në Pragë
-
Oficerë shqiptarë që shërbejnë dhe kontribuojnë në sigurinë e Nju-Jorkut
Jeta në Austri
-
Prezantohet në Vjenë platforma “Made in Kosova“ Vjenë: U bë degustimi i verërave nga Kosova...
-
Austri: Të paktën 300 kocka vigane janë gjetur në një bodrum shtëpie
-
Austri: Përmbledhje e lajmeve më të fundit të ditës së sotme
-
Austria po përballet me mungesë të madhe të punëtorëve të kualifikuar
-
Boksieri Bernardin Jakaj, i gatshëm për meçin e së shtunës në Vjenë