Futbollisti vritet me thikë në fushë futbolli

Ngjarja ka ndodhur në lagjen “Karagaq” të Pejës, ndërsa viktima, sipas Policisë është Idriz Berisha, një lojtar i talentuar i klubit “Besa”. Ai mbante numrin 2 në skuadër

Një ngjarje e rëndë ka ndodhur në qytetin e Pejës, ku një futbollist është therur me thikë në fushën e futbollit, derisa po luante me shokë. Ngjarja ka ndodhur në lagjen “Karagaq” të Pejës, në fushë të futbolli, ndërsa viktima, sipas Policisë është Idriz Berisha, një lojtar i talentuar i klubit “Besa”.

Sipas njoftimit të Policisë, Berisha që ka mbajtur numri 2 në ekipin e Besës ka vdekur pas lëndimeve të marra nga thika pas përleshjes me një person tjetër.

“Policia e Kosovës ka ndërmarrë masa të menjëhershme, njësite relevate iu kanë përgjigjur vendit të ngjarjes, për të zhvilluar këqyrjen e vendit të ngjarjes”, thuhet në raportin e Policisë raporton Insajderi.

Sipas Policisë, bazuar në të dhënat nga vendi i ngjarjes, nga ana e njësiteve policore i dyshimti i rastit, i mituri shtetas shqiptar i Kosovës K.N është arrestuar dhe me urdhër të prokurorit shtetit i është caktuar masa e ndalimit prej 24 orësh për të vazhduar me procedura të mëtejme.

Sipas raportit të fundit që ka lëshuar Policia e Kosovës, incidenti fatal ka ndodhur si pasojë e një mosmarrëveshje ndërmjet  17 vjeçarit Berisha dhe shoku i tij 16 vjeçar, K.N.

Xhevat Ibraj zëdhënës i  policisë për rajonin e Pejës ka thënë se ka qenë një mos marrëveshje e çasti mes viktimës dhe të dyshuarit gjatë një loje futbolli ku edhe ka ndodhur rasti. “A jo çfarë deri më tani dihet është se mes dy shkove ka ndodhur një mos marrëveshje e çastit, ku pas saj njëri person ka therur me thikë shokun e tij”, ka thënë Ibraj.