“Viza C”, përfundimisht kusht për shtetësinë zvicerane

Statusi i qëndrimit të përhershëm në Zvicër (Viza C) është njëri ndër këto kushte

Në projektin e bërë për revizionin e ligjit të të drejtës së të huajve për shtetësinë zvicerane, Qeveria Federale ka paraparë disa parakushte të detyrueshme për tu plotësuar.

Statusi i qëndrimit të përhershëm në Zvicër (Viza C) është njëri ndër këto kushte, shkruan portali blick.ch.

Pastaj vazhdojnë të tjerët si respektimi i kushtetutës, aftësia për tu kuptuar në njërën nga gjuhët e vendit dhe vullneti për pjesëmarrje në jetën ekonmomike të vendit ku jeton.

Qeveria Federale po ashtu ka për synim të bëjë më joshëse masat për integrim të shpejtë. Në këtë mënyrë, të huajt me shkallë më të lartë integrimi mund të konkurrojnë për shtetësinë zvicerane më parë se të tjerët.

Të huajt të cilët kanë një leje të përhershme qëndrimi C mund të kërkojnë shtetësinë zvicerane pas vetëm tetë vitesh qëndrim në Zvicër. Normalisht për vizën C duhen dhjetë vite qëndrimi ndërsa për nënshtetësinë zvicerane, 12.