Lajme
Ministri zviceran i Mbrojtjes garanton mbështetje për Kosovën
Ministri zviceran i Mbrojtjes, Guy Parmelin, vlerësoi lartë të arriturat në Kosovë, ndërkaq uroi shtetin më të ri evropian për pranimin në UEFA dhe FIFA
Kryeministri i Kosovës, Isa Mustafa falënderoi Qeverinë e Zvicrës për ndihmën e madh që ajo ka dhënë për zhvillimin e Kosovës në shumë fusha, përfshirë edhe sigurinë ku shteti helvetik është i pranishëm me trupat e saj në kuadër të KFOR-it. Këto komente Mustafa i bërë gjatë një takimi që zhvilloi në Prishtinë me udhëheqësin e Departamentit Federal të Mbrojtjes dhe Sportit (DDPS), Guy Parmelin.
Gjatë takimit, ku ishin të pranishëm edhe zëvendëskryeministri Kujtim Shala dhe ministri i Forcës së Sigurisë të Kosovës, Haki Demolli, kryeministri Mustafa e njoftoi mysafirin zviceran për progresin në Kosovë, me theks të posaçëm në zhvillimin ekonomik, integrimet evropiane dhe fuqizimin e shtetit ligjor.
Mustafa foli edhe për procesin e transformimit të FSK-së në Forca të Armatosura, duke bërë të ditur se janë bërë të gjitha përgatitjet për këtë proces.
“Zvicra ka ofruar përkrahje tejet të madhe për Kosovën në shumë fusha, duke përfshirë ndihmën e madhe që trupat zvicerane në kuadër të KFOR-it kanë dhënë për qytetarët e Kosovës. Ne jemi të përkushtuar për fuqizimin e shumanshëm të bashkëpunimit dhe partneritetit ndërmjet dy shteteve”, tha kryeministri Mustafa.
Ministri zviceran i Mbrojtjes,Guy Parmelin, ndërkaq vlerësoi lartë të arriturat në Kosovë. Siç thuhet në një komunikatë për media, ministri zviceran i Mbrojtjes ka shprehur vullnetin e Qeverisë së Zvicrës për avancimin e bashkëpunimit dhe vazhdimin e mbështetjes për Kosovën.
Në këtë kontekst, ministri Parmelin shprehu nevojën e identifikimit të fushave në të cilat bashkëpunimi ndërmjet dy vendeve mund të thellohet edhe më tutje, si në aspektin ekonomik, të investimeve dhe në lëmenj të tjerë.
Gjatë takimit u bisedua edhe për zhvillimet politike në Kosovë, për proceset evropiane, lidhur me trupat zvicerane në kuadër të KFOR-it, si dhe për transformimin e FSK-së. Ministri Parmelin ka uruar Kosovën për pranimin në UEFA dhe FIFA, transmeton Albinfo.Ch.
E-Diaspora
-
Familjarët e Sadik Durakut, në kërkim të informacioneve kur ka kaluar gati një muaj në paraburgim në Serbi Familjarë të Sadik Durakut nga Kosova, i ndaluar në Serbi qysh më 17 prill, thonë se...
-
Dy filma shqiptarë në Festivalin Ndërkombëtarë të Filmit në Gjenevë
-
Ardon Jashari largohet përfundimisht nga Lucerni
-
Liverpuli kërkon mbrojtësin shqiptar që luan në Gjermani
-
Berlin
Ansambli “Shota” fiton çmim në Karnavalin e Kulturave 2024 në Berlin
Jeta në Austri
-
Avdijaj, më i miri i xhiros së fundit në Austri Futbollisti shqiptar, Donis Avdijaj, është shpallur lojtari më i mirë i xhiros së fundit në Bundesligën...
-
Austria dhe Britania e Madhe me bashkëpunim për deportimin e emigrantëve
-
Vjenë: Droni “kap” 5 shqiptarë që po punonin në të zezë
-
A do të kufizojë Hallstatt i Austrisë turizmin këtë sezon?
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi