Rënia e Adnan Januzajt

Edicioni po shkon, derisa e ardhmja e Januzajt mbetet në dyshim. Tashmë ai nuk pritet të ftohet as nga Belgjika në Kampionatin Evropian

Adnan Januzaj shihej si njëri ndër futbollistët më të talentuar në Evropë. Por, karriera e tij kishte luhatje. “Daily Mail” i ka kushtuar një artikull futbollistit me prejardhje nga Istogu, ku tregon sesi ishte në formë dhe pse ndodhet tani në këtë pozitë, shkruan albinfo. Fillimisht ai shndriti nën urdhrat e David Moyes, por me ardhjen në krye të Louis Van Gaalit në Manchester United, gjithçka ndryshoi.

“Ne besojmë në aftësitë e lojtarëve, prandaj i huazojmë dhe nuk i shesim”, kishte thënë Van Gaal.

Januzaj u huazua në Dortmund për gjashtë muaj, por në asnjë takim nuk luajti titullar. Ai u aktivizua vetëm në gjashtë ndeshje duke mos arritur të shënojë asnjëherë. Më pas Januzaj u rikthye në “Old Trafford”, megjithatë pa lënë shumë gjurmë. Ai shënoi dy gola ndaj Sunderlandit për grupmoshat U-21, njëra nga goditja e këndit, por kjo nuk i pëlqeu Van Gaalit, pasi Januzaj kishte bërë garë për të shënuar nga ajo pozitë. Për këtë arsye e dënoi që të mos ftohet në ekipin e parë.

Edicioni po shkon, derisa e ardhmja e Januzajt mbetet në dyshim. Tashmë ai nuk pritet të ftohet as nga Belgjika në Kampionatin Evropian.

Januzaj lëndohet përsëri

Vazhdojnë lajmet e këqija për Adnan Januzajn. Futbollisti me prejardhje shqiptare është lënduar sërish dhe nuk dihet sesa do të mungojë. Faqja e klubit të Manchester Unitedit njoftoi për lëndimin e Januzajt, i cili nuk po bën pjesë në planet e Louis Van Gaal, shkruan albinfo. Ai po ka shumë pak hapësira, derisa gjithashtu edhe huazimi në Borussia Dortmund ishte i pasuksesshëm.