Opozita përmbys një kamion me produkte serbe

Të revoltuar me vendimin e Qeverisë së Serbisë, e cila ktheu mbara në Kosovë një konvojë me libra shqip, aktivistët e Vetëvendosjes përmbysen një kamion me produkte serbe

Aktivistët e Lëvizjes Vetëvendosje e kanë përmbysur sot një kamion me produkte të Serbisë, në shenjë zemërimi me një vendim që kanë marrë dje autoritete e Serbisë, ndaj shqiptarëve të Luginës së Preshevës. Kamioni me dy rimorkio është përmbysur në territorin e Kosovës, derisa mbante produkte serbe të destinuara për treguan kosovarë.

Një dit më parë autoritet serbe kthyen në Kosovë një konvoj me libra shqip që ishin donacion për nxënësit shqiptarë në Luginën e Preshevë.

“16 vjet pas luftës, autorja e masakrave dhe e shkatërrimeve të mëdha në Kosovë, Republika e Serbisë, e kontrollon dhe e shfrytëzon Kosovën ekonomikisht me produktet e saj, pa e njohur atë. Në të njëjtën kohë, Republika e Serbisë vijon të shantazhojë përmes minoritetit serb në Kosovë, duke kërkuar të ndërtojë një shtet brenda shtetit me projektin e Zajednicës”, thuhet në komunikatën për media lëshuar nga Lëvizja Vetëvendosje, partia më e madhe opozitare.

Këto aksione të Republikës së Serbisë, sipas kësaj partie, nuk gjejnë përgjigje reciproke nga Republika e Kosovës, “udhëheqja e korruptuar e të cilës e ka çuar Kosovën në përulje”.

“Jo vetëm që nuk po mundet Qeveria e Kosovës të vendosë regjim reciprociteti tregtar me Serbinë, duke kontrolluar kufijtë e vet, por as nuk po mundet të kujdeset për fëmijët shqiptarë në Serbi, të cilëve nuk ka mbërritur t’ju sigurojë as librat shkollorë, edhe pse ka negociuar dhe vazhdon të negociojë me Qeverinë e Serbisë për vite me radhë”, tuhet np komunikatë.

Për këto arsye, aktivistët e kësaj Lëvizjes Vetëvendosje, thuhet se do të vazhdojnë aksionet e tilla deri sa “Republika e Serbisë të pranojë reciprocitet me Republikën e Kosovës”.

“Pabarazia dhe nënshtrimi janë të papranueshme. Ata nuk i lejojnë librat tanë, ne nuk do t’i pranojmë prodhimet e tyre”, thuhet në qëndrimin e kësaj partie.