28 të vrarë nga një shpërthim në Ankara

Një shpërthim i fortë që ka ndodhur sot në kryeqytetin turk,  Ankara ka marrë jetëm e njëzetetetë personave. Dyshohet për shpërthim të një makine makinës bombë, nga i cili janë plagosur dhjetëra veta.

Bëhet e ditur se shpërthimi ka ndodhur pranë një zone ku gjenden selitë ushtarake dhe të parlamentit.

Sipas guvernatorit të Ankarasë, Mehmet Kiliclar,  bomba ka pasur në shënjestër një konvoj autobusësh që bartnin personel ushtarak.

Agjencia shtetërore e lajmeve në Turqi ka thënë se qeveria ka lëshuar një urdhër-ndalesë për media pas shpërthimit.

Nuk është ende e qartë se kush qëndron prapa sulmit.

Në të kaluarën, sulme të ngjashme në Turqi kanë kryer rebelët kurdë, grupi militant Shteti Islamik dhe një grup ekstremist majtist.