Shumë ftohtë në Finlandë, ikin refugjatët

Shumë azilkërkues nga Iraku kanë ikur nga Finlanda vitin e kaluar vullnetarisht. 2600, nga gjithsej 3700 raste të shqyrtuara, kishin vendosur të ikin nga Finlanda vitin e kaluar, njofton Shërbimi finlandez i Imigracionit.

“Disa kanë pasur mendim jo të mirë për Finlandën, si armiqësore dhe të tjerë janë larguar nga vendi për shkak të vjeshtës së errët dhe dimrit të ftohtë”, tha kreu i Departamentit të azilit, Juha Simila.

Refugjatë të tjerë irakianë ishin larguar nga vendi përsëri për shkak të kohës së gjatë të përpunimit të kërkesave të tyre, thuhet në raport.

32.500 refugjatë kishin kërkuar vitin e kaluar kërkesë për azil në Finlandë, nëntë herë më shumë se në vitin 2014. Në mesin e tyre ishin 25.000 irakianë, por vetëm 3700 prej tyre kanë marrë një njoftim nga autoritetet.

Finlanda ka ashpërsuar rregullat e azilit për refugjatët irakianë në tetor, pas një vlerësimi të Qeverisë në Helsinki, ngase situata e sigurisë në Irak është përmirësuar kohët e fundit.