Vdiq Presidenti i Kosovës, Rugova

Të shtunën, në moshën 61vjeçare, vdiq Presidenti i Kosovës,Ibrahim Rugova

Keystone

Studiuesi i letërsisë dhe shkrimtari Ibrahim Rugova vdiq të shtunën si pasojë e kancerit të mushkërive. Ai me partinë e formuar nga ai LDK-në ishin përcaktuesit e jetës politike në Kosovë për 17 vjet rresht. Qeveria dhe Kryesia e Parlamentit urdhëruan pesë ditë zie në nivel vendi. Sipas njoftimeve të famlijes së tij, Rugova do të varroset të enjten në kreqytetin Prishtinë. Të shtunën mbrëma aty u mblodhën me qindra veta dhe me qirinj të ndezur nderuan udhëheqësin e popullarizuar të shqiptarëve.

Kryetari i Parlamentit, Nexhat Daci, mori përkohësisht postin e Presidentit të vendit. Se a do të arrijnë të pajtohen prijësit e përçarë të Kosovës për emërimin e një drejtuesi të delegacionit të bisedimeve në Vjenë mbetet tashpërtash e paqartë. Edhe më i paqartë mbetet emërimi i pasardhësit të Rugovës në postin e presidentit.

Rugova organizoi në fund të viteve të 80-ta rezistencën në Kosovë kundër centralizimit të dhunshëm të bërë nga presidenti i atëhershëm jugosllav, Slobodan Milosevic.

Sekretari i Përgjithshëm i Kombeve të Bshkuara, Kofi Anan, në Nju-Jork-apeloi te forcat politike të Kosovës për unitet dhe për bashkëpunim të ngushtë me të dërguarin special të Kombeve të Bashkuara, Matti Ahtisaari, në Vjenë.

Shefi i Miisionit administrativ, Soeren Jessen-Petersen, e cilësoi Rugovën si një personalitet të urtë, që gëzonte respekt ndërkombëtar. Jessen-Petersen ftoi politikanët dhe popullin për unitet dhe gjakftohtësi në këto “momente vendimtare” për të ardhmen e vendit

Kancelarja Federale, Angela Merkel, deklaroi se “nën udhëheqjen e Rugovës vendi në këto vitet e fundit ka bërë përparime substanciale në rrugën drejt demokracisë, shtetit juridik dhe ekonomisë së tregut“. Përcaktimi i Rugovës për mosdhunë dhe demokraci është një „detyrë dhe amanet për të gjithë ata që bartin përgjegjësi politike në Kosovë“.

Ministrja e Punëve të Jashtme e SHBA-së, Condolezze Rice, theksoi se SHBA humbi një „mik të madh“ dhe populli i Kosovës “një udhëheqës të madh”. Rugova fitoi respektin e botës, sepse ishte bërë avokat i demokracisë dhe i paqes.

Sekretari i Përgjithshëm i NATO-s Jaap de Hoop Scheffer deklaroi në Bruksel se Rugova ishte zotuar për një Kosovë demokratike dhe multietnike.

Komisioneri Evropian për Zgjerim, José Manuel Barroso, e quajti atë një avokat të madh të Kosovës.

Die Zeit, 23 janar 2006

(Nga gjermanishtja, për albinfo.ch: Nexhmedin Gërguri)