11 vjet burg për trajnerin pedofil të notit

"Ai e ka pasur gjithmonë të qartë se çfarë është duke bërë gjegjësisht ka pasur mundësi të vlerësonte konsekuencat e veprimeve të tij"

Një trajner noti nga kantoni i Tesinës  është dënuar me11 vjet burg për pedofili, ose abuzim seksual me fëmijë. G

jykata Penale e Luganos ia ka shqiptuar këtë dënim trajnerit 71 vjeçar duke u mbështetur në gjetjet se ai gjatë dhjetë viteve ka detyruar së paku 15 djelmosha të kryejnë veprime seksuale me të.

Gjyqtari Marco Villa ka thënë në fjalën e tij se i dënuari vepronte me qëllim. Ai e ka pasur gjithmonë të qartë se çfarë është duke bërë gjegjësisht ka pasur mundësi të vlerësonte konsekuencat e veprimeve të tij.

Sipas gjyqtarit Villa, personi i dënuar ka përdorur në vazhdimësi autoritetin dhe prestigjin e tij. Ndërsa viktimat nuk kishin pasur asnjë shans t`i shmangeshin.